Azərbaycan XİN Pakistandakı qatar qəzası ilə bağlı başsağlığı verib

07 İyun 2021 - 10:45

Azərbaycan Xarici İşlər Nazirliyi Pakistanın Qotki bölgəsində baş vermiş qatar qəzası ilə bağlı başsağlığı verib.

Bu barədə XİN-in “Twitter” hesabında paylaşım edib.

Paylaşımda bildirilir: “Biz Pakistanın Qotki bölgəsində ölümcül qatar qəzası ilə bağlı xəbərdən dərin kədərləndik. Həlak olan 30 sərnişinin ailələrinə dərin hüznlə başsağlığı veririk. Bütün yaralılara tezliklə şəfa tapmalarını arzu edirik. Fikrimiz və dualarımız indi qardaş Pakistanın yanındadır”.