Fevralın 4-də ATƏT-in Demokratik Təsisatlar və İnsan Hüquqları Bürosunun İsveçrədən olan müşahidəçisi Nik Guggerin Azərbaycana girişinə icazə verilməyib.
Azpost.info bildirir ki, bu barədə İsveçrə mediası məlumat verib.
Nik Gugger Bakı Hava Limanından İsveçrəyə qaytarılıb.
Nik Gugger prezident seçkilərini müşahidə etmək üçün gələn ATƏT nümayəndə heyətinin tərkibində olub. Guggerdən başqa, nümayəndə heyətinin digər üzvləri ölkəyə buraxılıb və o isə İstanbula göndərilib.
İsveçrə parlamentinin deputatı Nik Qugger ermənipərəst və Azərbaycan əleyhinə fəaliyyəti ilə tanınır.
44 günlük müharibə zamanı, 2020-ci ilin oktyabrında bu başabəla deputat İsveçrənin xarici işlər nazirinə müraciət edərək “Azərbaycanın təcavüzünü” dayandırmağa çağırmışdı. Guggerin İsveçrə Xalq Partiyasının sədr müavini kimi imzaladığı bu müraciətdə Azərbaycanın ünvanına yalan və böhtan baş alıb gedir.
2022-ci ilin dekabrında azərbaycanlı ekofəallar Laçın dəhlizində etiraz aksiyası keçirən zaman Qugger müraciət yayaraq Azərbaycanı “Dağlıq Qarabağın və onun 120.000 yerli xristian erməni sakinini blokadaya” alması barədə qərəzli böhtanla çıxış edib.
Deputat Gugger Ermənistanın siyasi dairələrinin etibarlı ruporudur.
Bundan sonra Azərbaycana müşaidəçi gəlmək istəyi həyasızlığın növbəti nümayişidir. Rəsmi Bakı onu siyasi kampaniyada iştirakını arzuedilməz sayması təbiidir.
Azpost.info
