Azərbaycanda koronavirusa yoluxmuş 359 nəfər var –

5 nəfər ölüb, 7 nəfər ağır vəziyyətdədir
02 Aprel 2020 - 08:30

Ölkəmizdə 359 nəfər koronavirus infeksiyasına yoluxub. 26 nəfəri müalicə olunaraq sağalıb, 5 nəfər vəfat edib.

Azpost.info bildirir ki, bu barədə Operativ Qərargahın məlumatında deyilir.

328 nəfərin xüsusi rejimli xəstəxanalarda müalicəsi davam etdirilir. Onlardan 7 nəfərin vəziyyəti ağır, 17 nəfərinli orta ağır qiymətləndirilir, digərlərinin səhhəti stabildir.

Azərbaycanda müxtəlif karantin zonalarına yerləşdirilən 4518 nəfərin müayinəsi ilə bağlı müvafiq tədbirlər həyata keçirilir.

Ötən müddət ərzində yeni yoluxma hallarının müəyyənləşdirilməsi ilə əlaqədar 35 minə yaxın test aparılıb.