Azərbaycan Beynəlxalq Məhkəmədə Ermənistana qarşı iddia qaldırıb

Bu gün Azərbaycan İrqi Ayrıseçkiliyin Aradan Qaldırılması ilə bağlı Beynəlxalq Konvensiyanın (CERD) tətbiqi və təfsiri ilə əlaqədar Ermənistana qarşı Beynəlxalq Ədalət Məhkəməsində iş qaldırıb.

Bu barədə Beynəlxalq Ədalət Məhkəməsi məlumat yayıb.

İddiaçıya görə, “Ermənistan milli və etnik mənşəyinə görə (İrqi Ayrıseçkiliyin Aradan Qaldırılması ilə bağlı Beynəlxalq Konvensiyadakı məna çərçivəsində) azərbaycanlılara qarşı silsilə ayrıseçkilik (diskriminant) hərəkətləri görüb və görməyə davam edir.

Müraciətçi iddia edir ki, Ermənistan birbaşa və dolayı yollarla etnik təmizləmə siyasətini həyata keçirir, irqçi təbliğat apararaq və nifrət nitqi ilə azərbaycanlılara qarşı nifrəti və etnik zorakılığı qızışdırır və bu, həmçinin hökumətin ən yüksək səviyyələrinə aparılır.

2020-ci ilin payızında başlayan hərbi əməliyyatlar dövrünə toxunaraq, Azərbaycan iddia edir ki, “Ermənistan bir daha azərbaycanlıları etnik nifrətdən qaynaqlanan qəddar rəftar üçün hədəf alıb.

Azərbaycan iddia edir ki, “Ermənistanın etnik təmizləmə, mədəniyyəti silmə və azərbaycanlılara qarşı nifrətin qızışdırılması siyasəti və apardığı digər işlər Beynəlxalq Konvensiyaya (CERD) zidd olaraq sistematik olaraq azərbaycanlıların hüquq və azadlıqlarını, eləcə də Azərbaycanın öz hüquqlarını pozur.

Azərbaycan tərəfi qeyd edir ki, digər tərəfdən, Ermənistanın Azərbaycan əleyhinə ayrı-seçkilik siyasəti və hərəkətləri insan haqqlarının və azərbaycanlıların fundamental haqlarının zədələnməsi cə yox edilməsi məqsədi və təsirinə sahib olub ki bu da CERD-in 2, 3, 4, 5, 6 və 7 -ci maddələrinin pozulmasıdır.

Azərbaycan əlavə edir ki, “Tərəflərin Azərbaycanın iddialarını həll etmək üçün danışıqlar aparmaq cəhdləri son on ayda çıxılmaz vəziyyətə düşüb. Buna görə də Azərbaycan məhkəməni CERD pozuntuları çərçivəsində Ermənistanı bu məsələdə cavabdeh tutmağa çağırır. (APA)

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Əvvəlki məqalə

Qardaşı Mübariz Mənsimovu məhkəməyə verdi

Sonrakı məqalə

Prezident İlham Əliyev BMT Baş Assambleyasında çıxış edib –