Bu gün futbol üzrə Azərbaycan yığması UEFA Millətlər Liqasının C Divizionunun I qrupunda növbəti oyununa çıxacaq.
Yığma IV turda Bakıda Slovakiya seçməsini qəbul edəcək. Tofiq Bəhramov adına Respublika Stadionunda baş tutacaq qarşılaşmanın start fiti saat 20:00-da səslənəcək.
Matçı norveçli FIFA referisi Roxit Saqqi idarə edəcək.
Üç turdan sonra xalı olmayan Azərbaycan millisi sonuncu, 7 xalı olan Slovakiya komandası isə 2-ci pillədə qərarlaşıb.
Qrupun digər matçında İsveç Estoniyanı sınağa çəkəcək.
