Azərbaycanda işsizlərin rəsmi sayı açıqlandı –Qeydə alınanlara 338 manat sığorta pulu verilib

Bu ilin mart ayının 1-i vəziyyətinə Azərbaycanda məşğulluq xidməti orqanlarında qeydiyyata alınmış işsiz şəxslərin sayı 90,8 min nəfər olub.

Azpost.info APA-ya istinadən bildirir ki, Dövlət Statistika Komitəsinin verdiyi xəbərə görə, onların da 37%-ini qadınlar təşkil edib. Hesabat dövründə işsizlikdən sığorta ödənişinin orta aylıq məbləği 338,9 manat (1 fevral tarixi ilə müqayisədə 14,7% artım) təşkil edib.

Qeyd edək ki, 2020-ci il fevral ayının 1-i vəziyyətinə məşğulluq xidməti orqanlarında qeydiyyata alınmış işsiz şəxslərin sayı 86,2 min nəfər, işsizlikdən sığorta ödənişinin orta məbləği 295,6 manat olub.

Xatırladaq ki, 1 yanvar 2018-ci il tarixdən qüvvəyə minmiş “İşsizlikdən sığorta haqqında” Azərbaycan Respublikasının Qanununa əsasən dövlət orqanının və ya hüquqi şəxsin ləğv edilməsi və ya işçilərin sayı və ya ştatların ixtisar edilməsi nəticəsində əmək münasibətlərinə xitam verilmiş və məşğulluq mərkəzlərində işsiz kimi qeydiyyata alınmış sığorta olunanlar işsizlikdən sığorta ödənişini almaq hüququna malikdirlər.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Əvvəlki məqalə

Koronavirusu İtaliyaya gətirmiş birinci xəstə sağaldı, evə buraxıldı

Sonrakı məqalə

İranda 6 yaşlı uşaq koronavirusdan ölüb