Xristian icmaların rəhbərləri Şuşada pravoslav kilsəsində dua ediblər

Qafqaz Müsəlmanları İdarəsinin sədri, Şeyxülislam Allahşükür Paşazadə və ölkədəki digər dini konfessiyaların rəhbərləri Şuşa şəhərinə səfər zamanı rus pravoslav kilsəsini ziyarət ediblər.

APA-nın Şuşaya ezam olunan müxbirinin məlumatına görə, Azərbaycanda olan bütün xristian dini icma rəhbərləri kilsədə birgə dua mərasimində iştirak ediblər.

Dua mərasiminə Roma-Katolik Kilsəsinin Azərbaycandakı ordinarisi, yepiskop Vladimir Fekete, Alban udi dini icmasının rəhbəri Robert Mobili, Bakı və Azərbaycan Yeparxiyasının mətbuat katibi, protoiyerey Konstantin Pominov qatılıb.

Onlar kilsəyə İncil kitabı hədiyyə ediblər.

Qeyd edək ki, Şuşaya səfərdə QMİ sədri, Şeyxülislam Allahşükür Paşazadə, idarənin Qazılar Şurasının üzvləri, Azərbaycandakı Dağ yəhudiləri icmasının rəhbəri Milix Yevdayev, Bakıdakı Avropa yəhudiləri icmasının rəhbəri Aleksandr Şarovski, Roma-Katolik Kilsəsinin Azərbaycandakı ordinarisi Vladimir Fekete, Alban udi dini icmasının rəhbəri Robert Mobili, Pravoslav kilsəsinin nümayəndələri və Milli Məclisin deputatları iştirak edirlər.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Əvvəlki məqalə

Dini konfessiya rəhbərləri Şuşada tikiləcək məscidin ərazisinə baş çəkib

Sonrakı məqalə

Azərbaycanda son sutkada 136 nəfər COVID-19-a yoluxub, 57 nəfər sağalıb