21 yaşadək futbolçulardan ibarət komandalar arasında Avropa çempionatının seçmə mərhələsində Azərbaycan yığmasının keçirəcəyi oyunların stadionları bəlli olub.
AFFA-nın rəsmi saytında bildirilir ki, mart ayında baş tutacaq hər iki görüş “Azersun Arena”da oynanılacaq.
U-21 martın 22-də İngiltərə, 26-da isə Ukrayna komandası ilə qarşılaşacaq. Matçların başlama saatı hələlik məlum deyil.
