Futzal üzrə Azərbaycan milli komandasının “Avro-2026”nın əsas mərhələsində Bakıda İsveçlə keçirəcəyi oyunun hakimləri açıqlanıb.
AFFA bildirir ki, 5-ci qrupun I turu çərçivəsində təşkil olunacaq görüşü Qazaxıstandan olan hakimlər briqadası idarə edəcək.
Matçın baş hakimi Aslan Qalayev, onun köməkçiləri isə Turekxan Tursumbayev və Nurlubek Kalimaqanbetov olacaq.
Hakim-inspektor funksiyasını almaniyalı Ştefan Veber yerinə yetirəcək. UEFA nümayəndəsi isə serbiyalı Zoran Dimiç olacaq.
Qeyd edək ki, Bakı İdman Sarayında keçiriləcək qarşılaşma saat 20:00-da başlayacaq.
