Qadın futbolçulardan ibarət Azərbaycan milli komandasının baş məşqçisi Siyasət Əsgərov yenidən Türkiyədə işləyə bilər.
Bu barədə AZƏRTAC-a AFFA-nın baş katibi Sərxan Hacıyev məlumat verib.
Onun sözlərinə görə, qardaş ölkənin bir neçə təmsilçisi 36 yaşlı mütəxəssisin xidmətində maraqlıdır.
Lakin milli assosiasiyanın baş katibi çalışdırıcı ilə maraqlanan komandaların adlarını açıqlamayıb.
Qeyd edək ki, Siyasət Əsgərov bir neçə gün öncə öz istəyilə Türkiyənin “Fomget” klubundan ayrılıb.
