“Suriyada Bəşər Əsəd rejiminin devrilməsi ölkənin idarə olunmasında yol verilən səhvlərin nəticəsi oldu”.
Azpost.info TASS-a istinadən bildirir ki, bu barədə Rusiya Təhlükəsizlik Şurasının sədr müavini Dmitri Medvedev bildirib.
“Daxili vəziyyət Bəşər Əsəd hökumətindən asılı idi. Təəssüf ki, Suriya ordusunun bu məsələdə aciz olduğu ortaya çıxdı. Bu, yəqin ki, hökumətin idarə olunması zamanı edilən yanlış hesablamaların sübutudur”, – Medvedev bildirib.
Onun sözlərinə görə, Rusiya Suriyanın Yaxın Şərqin bir sıra digər ölkələrində olduğu kimi eyni ssenari üzrə parçalanmasından qorxduğu üçün Əsəd rejiminə kifayət qədər ciddi dəstək verib.
O xatırladıb ki, Əsədin dövründə ölkədə yaşayan sünni, şiə, ələvi, druz və xristianların maraqları üzrə konsensus tapmaq mümkün olub. “Bu, yeni müxalifət qüvvələrinin rəhbərliyi ilə mümkün olacaqmı? Mən buna çox şübhə edirəm”, – deyə Medvedev yekunlaşdırıb.
Bəşər Əsəd dekabrın 8-də Suriya prezidenti vəzifəsindən istefa verib və ölkəni tərk edib.
