“Azərbaycanın quru sərhədləri əbədi bağlı qalmayacaq”.
Azpost.info bu sözləri Milli Məclisin deputatı Aydın Mirzəzadə “Yeni Müsavat”a qçıqlamasında deyib.
“Azərbaycan üçün ciddi təhdidlərin olmadığı qənaətinə gəlindikdə quru sərhədlər açılacaq. Cənab Prezidentin dünənki açıqlaması cəmiyyəti bir çox məsələlər barədə agah etməlidir”-deyə A Mirzəzadə bildirib.
Deputatın fikrincə, bir tərəfdən koronavirus təhdidinin, digər tərəfdən torpaqlarımızın işğaldan azad edilməsi üçün apardığımız mübarizəyə mane olmaq üçün müəyyən kənar təhdidlərin qarşısı alınırdı: “Müəyyən məsələlər var ki, indiki dövrdə onları açıqlamaq olmur. Cənab Prezident bunu açıq bildirdi. Sərhədlərin qapalı saxlanması ilə Azərbaycan üçün problem yaradacaq bir sıra məsələlərin qarşısını aldı, ölkəmizi içərindən partlatmaq istəyən qüvvələrin qarşısına sədd çəkdi. Quru sərhədlərin açılması zaman məsələsidir. Dünənki açıqlama ölkə rəhbərinin milli maraqları, insanların təhlükəsizliyinin qorunması məsələsini hər zaman diqqətdə saxladığını və bunun üçün lazımi, səmərəli addımlar atıldığını göstərir”.
