Bakı Şəhər Statistika İdarəsi yeni göstəricilər açıqlayıb.
Rəsmi hesabata görə, 2021-ci ilin yanvar-may aylarında paytaxt sənayesində 15,2 milyard manatlıq istehsal və xidmət qeydə alınıb.
Qeyd olunur ki, yanvar-may aylarında ticarət dövriyyəsinin həcmi 2020-ci ilin eyni dövrü ilə müqayisədə 0,8 faiz artıb, ictimai iaşə dövriyyəsi 24,5 faiz, əhaliyə göstərilən ödənişli xidmətlərin dəyəri real ifadədə 0,5 faiz azalıb.
Mayın 1-nə Bakıda işçilərin orta aylıq nominal əməkhaqqı 944,6 manat göstərilib.
