Səbail rayonu Saraykina
Bakının”miniatür” səkisi: piyadalar ölümlə üz-üzədir.
Bakıda belə bir “miniatür” səki var. AzPost xəbər verir ki, Səbail rayonu Saraykina küçəsinin Dağüstü parkdan Bayıl qəsəbəsi istiqamətində olan hissəsində səki olduqca dardır.
Hətta bir piyadanın hərəkəti belə çətindir. Üstəlik “miniatür” səkinin üzərində olan işıq dirəkləri piyadaları yolun hərəkət hissəsinə çıxmağa məcbur edir.
Nəzərə alsaq ki, burda küçənin özü də dardır və avtomobillərin hərəkət etməsi üçün geniş yol yoxdur. Odur ki, piyadalar daim təhlükə ilə üz-üzədir.
Ərazidən istifadə edən sakinlər qeyd edir ki, bu yolda uşaqlarla getmək daha təhlükəlidir.
Xüsusilə uşaq arabası ilə və fiziki qüsurlu şəxslərin hərəkəti isə mükünsüzdür.
Aidiyyəti qurumların bu addımı hansı məntiqlə atdığı isə bəlli deyil. Günün qaranlıq saatlarında, xüsusilə yolun qövsvari olduğunu nəzərə alsaq piyadavurmalar qaçılmaz olur.
Ərazidən istifadə edən vətəndaşlar səkinin qismən genişləndirilməsini istəyir.
