ABŞ prezidenti Co Bayden bu gün Ukraynaya yeni hərbi yardım paketini elan edəcək.
Azpost.info xəbər verir ki, bu barədə “Associated Press” Ağ Evdəki mənbəyə istinadən məlumat yayıb. Məlumata görə, söhbət, bir neçə yüz milyon dollarlıq yardımdan gedir. “Ukrayna Rusiya ordusunun Donbasdakı hücumunu dəf etmək üçün nəzərdə tutulmuş xeyli sayda artilleriya qurğusu və sursat almalıdır”, – məlumatda deyilir.
Bununla yanaşı, Pentaqonun sözçüsü bildirib ki, amerikalı təlimçilər Ukrayna qoşunlarına 155 millimetrlik haubitsalardan istifadə üzrə təlim keçiblər: “Çərşənbə günü Ağ Evdə ABŞ hərbçilərinin komandanlığı ilə illik görüş keçirilib. Görüş zamanı Co Bayden Ukraynaya hərbi yardımın təşkilində xidmətlərinə görə hərbçilərə xüsusi təşəkkürünü bildirib”.
Azpost.info
