Bayram günlərində onlayn dərslər davam edəcək

Təhsil Nazirliyi Ramazan bayramı ilə əlaqədar qeyri-iş günlərində onlayn dərslərin keçirilib-keçirilməyəcəyi məsələsinə aydınlıq gətirib.

Nazirliyin İctimaiyyətlə əlaqələr sektorunun müdiri Cəsarət Valehov APA-ya açıqlamasında bildirib ki, Ramazan bayramı ilə əlaqədar qeyri-iş günləri sayılan 25-29 mayda onlayn dərslər davam edəcək.

Xatırladaq ki, Baş nazir Əli Əsədovun qərarı ilə Azərbaycan ərazisində iş və istirahət günlərinin ardıcıllığını təmin etmək məqsədilə 2020-ci ilin 27 may iş günü ilə 31 may istirahət gününün yerləri dəyişdirilib.

Eyni zamanda xüsusi karantin dövründə xüsusi iş (əmək) rejimi olaraq 2020-ci il 29 may tarixi, habelə altıgünlük iş həftəsində çalışanlar üçün 23 və 30 may tarixləri qeyri-iş günləri müəyyən edilib.

 

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Əvvəlki məqalə

DYP xüsusi karantin rejimində cərimələdiyi şəxslərin sayını açıqlayıb

Sonrakı məqalə

SMS icazəsi alanların və “icaze.e-gov.az”da qeydiyyatdan keçənlərin sayı açıqlanıb