Rusiyanın xarici işlər naziri Sergey Lavrov Belarusun Ukraynanın təhlükəsizliyinə qarant ölkələr sırasında olmasını təklif edib.
Azpost.info xəbər verir ki, Lavrov bunu Moskvada mətbuat konfransında deyib. “Biz belaruslu dostlarımızın Rusiya-Ukrayna danışıqlarının təşkilində müsbət rol oynamağa davam etmələrinin tərəfdarıyıq. Belarus belə danışıqlar üçün əla platformadır.
Təklif etdik ki, Belarus qarant ölkələr sırasında olsun. Təbii ki, hər şey tərəflərin razılığından asılıdır”, – Lavrov deyib. O əlavə edib ki, indi bütün bu məsələlər, o cümlədən qarant ölkələrin dairəsi razılaşdırılır.
Azpost.info
