Bakıda 21 yaşlı oğlan özünü bıçaqlayıb
Bakının Sabunçu rayonunda küçədə bir nəfər bıçaqlanıb. AzPost APA-ya istinadla xəbər verir ki, hadisə Sabunçu bazarının yaxınlığında baş verib.
Belə ki, 2003-cü il təvəllüdlü Sadıqlı Məmməd Müşviq oğlu küçədə naməlum şəxs tərəfindən bıçaqlandığını bildirsə də, araşdırma zamanı onun özünü bıçaqladığı məlum olub. Səbəb isə sevdiyi qızın onun mobil nömrəsini bloklaması olub.
Faktla bağlı Sabunçu Rayon Polis İdarəsinin 12-ci Polis Şöbəsinin əməkdaşları tərəfindən araşdırma aparılır.
