Biz tikintiyə yox, ərazinin neçə ballıq olmasına rəy veririk. Ərazinin seysmikliyini müəyyənləşdiririk. Binanın dayanıqlılığını tikinti təşkilatı yaradır.
Bunu jurnalistlərə açıqlamasında Respublika Seysmoloji Xidmət Mərkəzinin baş direktoru Qurban Yetirmişli bildirib. O, qeyd edib ki, vulkanik yerlərdə yaşayış evləri və ictimai-iaşə obyektlərinin tikintisi yolverilməzdir. Həmin ərazilərdə vulkan püskürməsi ciddi tələfatlara səbəb ola bilər.
