Keir Starmer
Böyük Britaniya kralı III Çarlz Baş nazir Kir Starmerin istefasını qəbul edib.
Azpost.info xəbər verir ki, bu barədə BBC Bukinqem sarayının mətbuat xidmətinə istinadən məlumat yayıb.
Sarayın açıqlamasında bildirilir ki, Kir Starmer bu gün səhər kralın qəbulunda olub və Baş nazir, həmçinin Xəzinədarlığın birinci lordu vəzifəsindən istefa ərizəsini təqdim edib. III Çarlz istefanı qəbul edib. Qəbulda Starmerin həyat yoldaşı da iştirak edib.
Kir Starmer Baş nazir kimi son çıxışında özündən sonra bu vəzifəyə gələcək şəxsə uğurlar arzulayıb.
Məlumata görə, Böyük Britaniyanın yeni Baş naziri Endi Börnhem (Andy Burnham) olub. O, bundan əvvəl Böyük Mançesterin meri kimi fəaliyyət göstərib və Leyboristlər Partiyasının tanınmış simalarından biri hesab olunur.
Yaxın saatlarda III Çarlz yeni hökumətin formalaşdırılması üçün Endi Börnhemi Bukinqem sarayında qəbul edəcək. Bundan sonra yeni Baş nazir Dauninq Stritdə ilk rəsmi çıxışı ilə ictimaiyyətə müraciət edəcək.
BBC qeyd edir ki, Kir Starmerin istefasından sonra hazırda Böyük Britaniyada doqquz keçmiş Baş nazir sağdır ki, bu da ölkə tarixində rekord göstərici hesab olunur.
