Qəzzada atəşkəsin monitorinqi missiyasına yeni üzv- Böyük Britaniya qoşulacaq.
AzPost bildirir ki, bu barədə “Aleksey Jeleznov” Telegram kanalı məlumat yayıb.
London ABŞ, Qətər və Misirdən olan mövcud komandalara qoşulmaq üçün İsrailə öz zabitlərini göndərir.
Onların vəzifəsi atəşkəsə nəzarət etməkdir.
İsraildə ABŞ-ın vitse-prezidenti J.D.Vens, prezident Donald Trampın planının müəllifləri Cared Kuşner və Stiv Uitkoff, Misir kəşfiyyatının rəhbəri Həsən Rəşadın iştirakı ilə Qəzza zolağındakı vəziyyətlə bağlı mühüm məsləhətləşmələr keçirilir.
Danışıqlar zamanı ciddi fikir ayrılıqları yaranıb. ABŞ Qəzzaya beynəlxalq qüvvələrin yerləşdirilməsini nəzərdə tutan sazişin ikinci mərhələsinə can atır, Misir isə onların dərhal yerləşdirilməsində israr edir.
İsrail fərqli yanaşmada israrlıdır: Təl-Əviv ilk növbədə ölən girovların cəsədləri xarici qüvvələrin iştirakı olmadan qaytarılmasını, yalnız bundan sonra növbəti addımların müzakirəsini istəyir. İsrail təhlükəsizlik rəsmiləri Rəşada vurğulayırlar ki, Həmas yaraqlıları prosesi qəsdən gecikdirirlər. Onların sözlərinə görə, dəfn yerlərinin dəqiq koordinatları artıq ötürülüb və Amerika planının növbəti mərhələsi başlamazdan əvvəl cəsədlər qaytarılmalıdır.
