Bu gün ABŞ prezidenti Co Baydenin Asiyaya səfəri başlayır.
Azpost.info xəbər verir ki, bu barədə CNN məlumat yayıb.
Səfər çərçivəsində Bayden əvvəlcə Cənubi Koreyaya, oradan da Yaponiyaya yollanacaq. “Co Bayden qlobal qeyri-sabitlik dövründə tərəfdaşlığı gücləndirmək üçün ABŞ-ın çoxdankı müttəfiqlərinə – Cənubi Koreya və Yaponiyaya səfər etmək niyyətindədir. Baydenin son aylarda Rusiyanın Ukraynaya qarşı müharibəsi ilə bağlı məsələlərə diqqət yetirməsinə baxmayaraq, Hind-Sakit okean regionu Ağ Ev üçün strateji olaraq qalır”.
CNN yazır ki, Asiyada Şimali Koreyanın təxribatları yenidən güclənib və Çin iqtisadi və hərbi gücünü artırmağa davam edir. Agentlik rəsmilərə istinadən onu da qeyd edir ki, Şimali Koreyanın ABŞ prezidentinin Seula səfəri zamanı yeraltı nüvə partlayışı hazırlaması və ya qitələrarası ballistik raket buraxması barədə məlumatlar var: “Ağ Ev əmin edir ki, onlar istənilən gözlənilməz vəziyyətlərə hazırdırlar”.
Co Bayden Cənubi Koreyanın paytaxtında ölkənin yeni seçilmiş prezidenti Yun Suk Yulla görüşəcək. Bundan sonra ABŞ lideri Tokioya səfər edəcək və baş nazir Fumio Kişida ilə ikitərəfli danışıqlar aparacaq.
Azpost.info
