“Bu gün yeni dünya nizamının necə olacağı məsələsi həll olunur. Bu hər bir qərəzsiz müşahidəçiyə aydındır”.
Azpost.info bildirir ki, bu sözləri Rusiya XİN başçısı Sergey Lavrov BMT Baş Assambleyasının sessiyasında çıxışı zamanı deyib.
“Bu gün dünya nizamının gələcəyi ilə bağlı məsələ həll olunur. Bu, hər bir qərəzsiz müşahidəçiyə aydındır. Məsələ burasındadır ki, bu, hər kəsi öz bədnam “qaydaları” ilə yaşamağa məcbur edən, yalnız onun üçün faydalı olan bir hegemon nizam olacaq, yoxsa şantajın və hədə-qorxusunun, neonasizmin və neomüstəmləkəçiliyin olmadığı demokratik, ədalətli dünya?”-deyə Lavrov bildirib.
Lavrov deyib ki, Rusiya qəti şəkildə ikinci variantı seçib: “Biz müttəfiqlərimiz, tərəfdaşlarımız və həmfikirlərimizlə birlikdə onun həyata keçirilməsi üzərində işləməyə çağırırıq”, – o vurğulayıb.
Lavrov BMT sistemindəki tənəzzülü də tənqid edərək, bunun “Qərb ölkələrinin onlar üçün əlverişsiz olanlara qarşı səlib yürüşü” ilə təhrik edildiyini deyib: “Qərbin elan etdiyi “səlib yürüşü”nün nəticələrindən biri də ABŞ və müttəfiqlərinin öz eqoist maraqlarını həyata keçirmək üçün alətə çevirdikləri çoxtərəfli institutların getdikcə tənəzzülüdür. Bu xətt BMT-də, YUNESKO-da və digər çoxtərəfli qurumlarda yürüdülür”.
