“Yeni ildə Avropaya sülh və sabitliyin gələcəyinə inanıram”.
Azpost.info xəbər verir ki, bunu Çexiyanın Baş naziri Petr Fiala deyib.
“İnanıram ki, bu il fərqli olacaq. Çexiya və Avropanı dinc dövr, sabitlik və iqtisadi artım gözləyir”, – Baş nazir bildirib.
Fiala Ukraynadakı vəziyyət və enerji böhranı fonunda inflyasiyanın gücləndiyini, qiymətlərin artdığını deyib və hökumətin çətin dövrlərdən uğurla çıxmaq əzmində olduğunu qeyd edib: “Hazırda hökumətin insanlara və biznesə kömək etmək üçün pul ayırmasında problem görmürəm. İnsanların həyatlarının çökməsinə imkan verə bilmərik”.
Baş nazir xatırladıb ki, böhrana baxmayaraq, hakimiyyət milli təhsil sistemi və nəqliyyat infrastrukturunun inkişafı layihələrinə maliyyəni artırıb: “Müdafiə xərcləri də artırıldı. Hökumət sosial əhəmiyyətli proqramların həyata keçirilməsinə, iqtisadiyyatın və təhlükəsizliyin möhkəmləndirilməsinə bundan sonra da böyük sərmayələr yatırmaq niyyətindədir”.
Azpost.info
