“Bağırsağın sağlamlığı xəstəlik və iltihabın qarşısını almaq üçün son dərəcə vacibdir”.
Azpost.info MedicForum portalına istinadən bildirir ki, bunu qastroenteroloq Aleksandra Alisova bildirib.
Həkimin sözlərinə görə, antikor istehsal edən bütün hüceyrələrin təxminən 70-80%-i bağırsağın selikli qişasında yerləşir. Orada yaşayan bakteriyalar lifi parçalayır və orqanizmə lazım olan vitaminləri istehsal edir.
Həkim bağırsaqlara faydalı olan qidaları sadalayıb. Siyahıya kokosdan olan bütün məhsullar, o cümlədən yağ, süd və qatıq daxildir. Bu məhsullar antimikrobiyal, antifungal və antiviral xüsusiyyətlərə malikdir.
Həmçinin siyahıda bədəni sakitləşdirən, bağırsaqları rahatlaşdıran, ağrıları, şişkinliyi və qəbizliyi azaldan nanə də var. Pəhrizinizə qızıl balığı daxil etmək vacibdir. Bu balıq iltihabı azaldan və sağlam bağırsaq bakteriyalarının inkişafına kömək edən omeqa-3 yağ turşularının və D vitamininin əla mənbəyidir.
Giləmeyvə lifi də bağırsaqlar üçün də faydalıdır. Bu da divertikulozun – bağırsaq divarlarında səpgilərin qarşısını almağa kömək edir.
Azpost.info
