Rusiyanın müdafiə naziri Andrey Belousov Qərblə silahlı qarşıdurmada uğur əldə etmək üçün şərtləri açıqlayıb.
Azpost.info bildirir ki, Belousov bu barədə bazar ertəsi keçirilən “Ordu-2024” forumunun açılış mərasimində bildirib.
O bildirib ki, xüsusi hərbi əməliyyat mahiyyətcə belə bir qarşıdurmadır: “Bu cür müasir hərbi münaqişələrdə uğur əldə etmək yalnız aşağıdakı əsas şərtlər eyni vaxtda yerinə yetirildikdə mümkündür. Birincisi, qoşunları ən müasir silahlarla, ilk növbədə, yüksək dəqiqliyə malik silahlarla təmin etməkdir. İkincisi döyüş əməliyyatlarının yeni taktiki üsullarından istifadə, o cümlədən PUA və robot sistemlərdən istifadə vacibdir”, – deyə Belousov bildirib.
O, üçüncü şərti süni intellektdən istifadə etməklə effektiv idarəetmə sisteminin yaradılmasını qeyd edib.
“Dördüncüsü, hərbi personalın hazırlığının daim təkmilləşdirilməsidir”, – Belousov vurğulayıb.
“Yalnız belə inteqrasiya olunmuş yanaşma düşmənə qarşı tam üstünlük verir” – deyə Rusiya müdafiə naziri vurğulayıb.
O qeyd edib ki, mahiyyət etibarı ilə xüsusi hərbi əməliyyat Rusiya ilə Qərb arasında silahlı qarşıdurmadır. Onun sözlərinə görə, bu silahlı qarşıdurma ABŞ və onun müttəfiqlərinin öz hökmranlığını saxlamaq və yeni çoxqütblü və bərabər dünya nizamının qurulmasına mane olmaq istəyindən irəli gəlir.
