Türkiyənin daxili işlər naziri Süleyman Soylu İstanbulda gənclərlə görüşü zamanı ABŞ-ın nüfuzunu itirməkdə davam etdiyini və bütün dünyanın “Amerikaya nifrət etdiyini bildirib.
Azpost.info “Aydınlık” qəzetinə istinadən bildirir ki, Soylunun sözlərinə görə, ABŞ mayın 14-də keçiriləcək seçkilərə görə Türkiyəyə təzyiq göstərir: “Avropa deyə bir şey yoxdur. Onu şişirtməyin. Amerika var. Avropa Amerika karvanının bir qatarıdır. Onun əlahiddə bir xüsusiyyəti yoxdur “-deyə qəzet onun sözlərindən sitat gətirib.
Türkiyə Daxili İşlər Nazirliyinin rəhbərinin sözlərinə görə, Avropa liderləri daim nüfuzunu itirir, əhali qocalır:
“Avropalılar istehsalda çətinliklər yaşayırlar və bundan sonra da yaşayacaqlar”, – o deyib.
Gənclərlə görüşdə çıxış edən Soylu deyib ki, Amerika öz nufuzunu itirməkdə davam edir: “Bütün dünya Amerikaya nifrət edir. Avropa Amerikanın Afrikadakı piyadasıdır. Bütün Afrika dövlətləri onu istismar edən bu dövlətlərə nifrət edir”.
Soylu qeyd edib ki, Qərbin artıq suverenliyi yoxdur: “Artıq onların suverenliyi yoxdur, amma vərdişlərini saxlamağa çalışırlar… Türkiyə tarixi dəyişir. Bu seçkilər bu tarixi tamamilə dəyişəcəyi seçkilərdir. Ona görə də Amerika, Avropa təzyiq edir. Buna görə də Qəndil dağından PKK təzyiq göstərir. Bu, Tayyib Ərdoğanın seçimi deyil, bu, Türkiyənin gələcək nəsillərinin seçimidir, Türkiyənin tam müstəqilliyi seçimidir”, – deyə nazir bildirib.
Türkiyədə prezident və parlament seçkiləri mayın 14-nə təyin edilib. Namizədlərin yekun siyahısında “Cümhuriyyət Alyansı”ndan vahid namizəd kimi hazırkı dövlət başçısı, 69 yaşlı Ərdoğan, müxalifətdən olan “Xalq Alyansı”ndan vahid namizəd 74 yaşlı Kamal Kılıçdaroğlu, həmçinin Memleket partiyasının lideri 58 yaşlı Məhərrəm İncə və 55 yaşlı Ata ittifaqının namizədi Sinan Oğan qatılıb.
Azpost.info
