Duma Aİ-nin Moskvadakı səfirlərinin Rusiyanın xarici işlər naziri Sergey Lavrovla görüşdən imtina etməsinə reaksiya verib.
Azpost.info xəbər verir ki, deputat Mixail Şeremet bütün Aİ səfirlərinin casusluqda yoxlanılmasını təklif edib.
“Avropa səfirlərinin mövqeyi ağlasığmaz və təhqiredicidir. Bu, əsl kobudluqdur. Görünür, onların gizlədəcəkləri bir şey var və xarici işlər nazirinin gözünün içinə baxmağa utanırlar. Hesab edirəm ki, biz mütləq Qərb səfirlərinin casusluq, təxribat fəaliyyətləri və Rusiyanın daxili işlərinə qarışmaqla bağlı yoxlamalıyıq”, – deputat bildirib.
Şeremet əlavə edib ki, Rusiya Qərb səfirlərinə işləmək və yaşamaq üçün hər cür şərait yaradıb, onlar isə buna hörmətsizlik və təkəbbürlə cavab veriblər: “Əgər Qərb səfirləri Rusiyaya qarşı hörmətsizlik etməkdə davam edərlərsə, o zaman onların persona non-qrata elan edilməsi və ölkəmizdən çıxarılması məsələsi qaldırılmalıdır. Dövlət rəsmiləri ilə görüşdən imtina edirlərsə, Rusiyada qalmalarının mənasını görmürəm”.
Ötən gün Aİ ölkələrinin səfirləri Sergey Lavrovla görüşdən imtina ediblər. Lavrov səfirləri müxalifətə dəstək verməklə qanunsuz fəaliyyətlə məşğul olmaqda ittiham etmək üçün çağırmışdı.
Azpost.info
