“Rusiyaya qarşı çıxan vətəndaşlarla bağlı sərt cəza yolunu tutmaq olmaz”.
Azpost.info xəbər verir ki, bunu Rusiya Kommunist Partiyasının lideri Gennadi Züqanov ölkədən gedənlərin əmlaklarının müsadirə edilməsi ilə bağlı təşəbbüsü şərh edərkən bildirib.
Onun sözlərinə görə, vətənpərvərlik tərbiyəsi ilə məşğul olmaq, ölkənin iqtisadi rifahını yaxşılaşdırmaq lazımdır.
“Yalnız cəzalandırma və sərtləşdirmə yolu ilə getsək, heç bir mənası olmayacaq. Daha səmərəli iqtisadi siyasət, idarəetmə və maarifləndirmə yolu ilə getmək lazımdır. Onda nəticə olacaq”, – Züqanov deyib.
Züqanovun fikrincə, imkan daxilində resursları səfərbər etmək, vətənpərvərlik tərbiyəsi ilə məşğul olmaq, xüsusən də sovet dövrünün nailiyyətlərini göstərmək lazımdır.
“İndi universitetlərdə heç kim Ukraynanı faşizmdən azad etdiyimizi demir”, – siyasətçi təəssüflə bildirib.
Qeyd edək ki, Rusiya Dumasının sədri Vyaçeslav Volodin Rusiyanı tərk edən və ölkəyə qarşı çıxan vətəndaşların əmlaklarının müsadirə edilməsini təklif edir.
Azpost.info
