Ceyhun Bayramov bir qrup türk siyasətçiyə Azərbaycanın orden və medalını təqdim edib

12 Avqust 2020 - 01:06

Türkiyə-Azərbaycan Parlamentlərarası Dostluq Qrupunun rəhbəri Şamil Ayrıma və qrupun sabiq rəhbəri, Türkiyə Prezident Adminstrasiyasının  Səhiyyə və Qida Təhlükəsizliyi Qurumunun üzvü Necdət Ünivara Azərbaycan Respublikasının “Dostluq” ordeni təqdim olunub.

APA-nın yerli bürosunun xəbərinə görə, mükafatları Türkiyədə səfərdə olan Azərbaycan Xarici İşlər naziri Ceyhun Bayramov Azərbaycanın Türkiyədəki səfirliyində təqdim edib.

Nazir Türkiyə Prezidentinin Baş müşaviri Yalçın Topçuya isə “BDU-100” xatirə medalını bağışlayıb.

Mərasimdə rəsmi şəxslər, Türkiyə Parlamentinin deputatları, sabiq nazirlər də iştirak edib.