“Çin müəssisələri Rusiyaya hərbi əməliyyatlar üçün istifadə edilə bilən silah, müxtəlif döyüş sursatları və avadanlıqlar göndərib”.
Azpost.info xəbər verir ki, bu barədə “Politico” yazıb.
Nəşrin yazdığına görə, bunu gömrük məlumatlarını toplayan “Import Genius”un hesabatı ortaya qoyub.
Məlumata görə, Çinin ən böyük dövlət müdafiə podratçılarından biri olan “China North Industries Group Corporation Limited” 2022-ci ildə Rusiyanın “Texkrim” şirkətinə ABŞ M16-dan kopyalanan CQ-A hücum silahları göndərib. Sənədlərə görə, bu silahlar “mülki ov tüfəngləri” kimi keçirilib.
Nəşr qeyd edir ki, bu silahların Ukraynada Rusiya qüvvələri tərəfindən istifadə edilməsinə dair heç bir sübut olmasa da, ABŞ-ın sanksiyaları altında olan “Da-Jiang Innovations Science & Technology Co” şirkətinin DJI markalı Çin dronları orada görünüb.
Rusiyanın aldğı ehtimal edilən sursatlar arasında Çin istehsalı olan dronların hissələri də var: “Ehtiyat hissələri, o cümlədən batareyalar və kameralar BƏƏ vasitəsilə Rusiyaya göndərilib. Həmçinin, 2022-ci ilin sonunda 12 tondan çox yük Türkiyə vasitəsilə Çindən Rusiya daşınıb”.
Məlumatlara görə, Pekin Ukraynadakı döyüşləri dəstəkləmək üçün hələlik Moskvanı çoxlu sayda silahla təmin etmir. Bununla belə, Çindən Rusiyaya “ikili təyinatlı” mallar gedir. Bu, adi kommersiya marşrutları ilə sifariş verilə bilən, lakin sonradan hərbi məqsədlər üçün istifadə olunan avadanlıqdır.
“Politico” yazır ki, bu, Çinin Rusiyaya silah, zirehli jiletlər, həmçinin dron və onlar üçün ehtiyat hissələrinin tədarükünü davam etdirməsinin ilk təsdiqidir.
Azpost.info
