Çin Xalq Respublikası sentyabrın 15-dən etibarən Rusiya vətəndaşları üçün vizasız rejim tətbiq edəcək.
AzPost bildirir ki, bu barədə Çin Xarici İşlər Nazirliyi rəsmi açıqlama yayıb.
Məlumata görə, ruslar Çində 30 günə qədər qala biləcəklər. Sınaq vizasız rejimi sentyabrın 15-dən qüvvəyə minir.
Əvvəllər Rusiya vətəndaşları Çinə fərdi səfər üçün viza tələb edirdilər. Bəzi ərazilər, məsələn, Honq-Konq və Makao kimi vizasız girişə icazə verilən ərazilər istisna idi. Bundan əlavə, 2023-cü ildən Rusiya ilə Çin arasında vizasız qrup səfərləri haqqında saziş qüvvədədir. Rusiya vətəndaşları da vizasız tranzitlə Çindən keçə bilər.
Belə ki, rusiyalılar ölkəyə səfər etmək üçün adi xarici pasportunu istifadə edə biləcək. Vizasız rejim çərçivəsində Rusiya vətəndaşları Çində 30 gün müddətinə qala biləcəklər.
İyul ayında “The Washington Post” qəzeti yazıb ki, Çin turizmi inkişaf etdirmək üçün 74 ölkənin vətəndaşlarına 30 günə qədər vizasız giriş icazəsi verib. O vaxt Rusiya bu rəqəmə daxil deyildi. Almaniya vətəndaşları da 2023-cü ildən Çinə vizasız gedə bilərlər.
