“ABŞ administrasiyası Çinin Rusiyaya təhlükəsizlik yardımı göstərməsi və ya sanksiyalardan sistemli şəkildə yayınma ehtimalını diqqətlə izləyir”.
Azpost.info xəbər verir ki, bunu ABŞ Dövlət Departamentinin mətbuat xidmətinin rəhbəri Ned Prays deyib.
“Biz Çinin Rusiyanın təhlükəsizlik yardımı ilə bağlı hər hansı müraciətinə cavab olaraq qəbul etdiyi qərarları yaxından izləyirik. Vaşinqton Çin hökumətinə, o cümlədən noyabrda iki liderin Balidə keçirilən görüşü zamanı açıq şəkildə bildirdi ki, Pekin Rusiyaya ABŞ sanksiyalarından sistemli şəkildə yayınmağa və ya təhlükəsizlik sahəsində yardım göstərməyə qərar verərsə, bunun cavabı olacaq”, – Prays bildirib.
Azpost.info
