Çin lideri Si Cinpin ordunun qeyri-hərbi məqsədlər üçün istifadəsinə icazə verən direktiv imzalayıb. Sənəd iyunun 15-dən qüvvəyə minir.
Azpost.info xəbər verir ki, bu barədə “Radio Free Asia” məlumat yayıb.
Məlumatda bildirilir ki, bu, Pekinin müharibə kimi təsnif edilməyən “xüsusi əməliyyat” adı altında Tayvan adasını işğal etməyə hazırlaşdığına dair qorxuları artırır. “Sənəd əsas prinsipləri, təşkilati və komandanlığı, əməliyyat növlərini, operativ təminatı və siyasi işi, həmçinin onların qoşunlar tərəfindən həyata keçirilməsini sistemli şəkildə tənzimləyir. Eyni zamanda hərbi əməliyyatların müharibəsiz aparılması üçün hüquqi əsas yaradır”, – məlumatda deyilir.
Sənədin məqsədləri arasında milli suverenliyin, regional sabitliyin qorunması, dinc hərbi əməliyyatların təşkili və aparılmasının tənzimlənməsi də var.
Azpost.info
