“Pekin Tayvan məsələsinə xarici müdaxiləyə qarşı çıxacaq, Çinin Tayvanla birləşmə prosesini irəlilədəcək”.
Azpost.info xəbər verir ki, bunu Çin sədri Si Cinpin Ümumçin Xalq Nümayəndələri Konqresinin sessiyasında deyib.
“Vahid Çin” prinsipinə, 1992-ci il konsensusa riayət etmək, Tayvan boğazının iki sahili arasında münasibətlərin dinc inkişafını təşviq etmək, xarici qüvvələrin müdaxiləsinə və Tayvanın “müstəqilliyinə” yönəlmiş separatçı fəaliyyətlərə qəti şəkildə qarşı çıxmaq lazımdır”, – Çin lideri bildirib.
Adada vəziyyət ABŞ Konqresinin spikeri Nensi Pelosinin 2022-ci ilin avqustunda Tayvana səfərindən sonra gərginləşib. Noyabrda Si Cinpin ABŞ prezidenti Co Baydenlə görüşüb və xəbərdarlıq edib ki, Tayvan məsələsi Çin üçün “qırmızı xətt”dir. Çin Tayvanı öz ərazisinin ayrılmaz hissəsi sayır.
Azpost.info
