Beynəlxalq hava limanında adi görünən bir yoxlama gözlənilməz hadisə ilə nəticələnib.
AzPost xəbər verir ki, Moskvanın Şeremetyevo hava limanında Çindən gələn xarici vətəndaşın baqajından 55 ədəd timsah dərisi aşkar edilib.
Məlumata görə, gömrük əməkdaşları iki çamadanda gizlədilmiş timsah dərilərini rentgen müayinəsi zamanı müəyyən ediblər. Yoxlama zamanı məlum olub ki, 40 yaşlı sərnişin bu dəriləri gizli şəkildə ölkəyə gətirməyə cəhd göstərib. Hadisə dərhal nəzarətə götürülüb və bütün məhsullar müsadirə olunub.
Sərnişin izahatında bildirib ki, timsah dərilərini tanışlarının xahişi ilə daşıyıb və onların mütləq qaydada bəyan edilməli olduğunu bilməyib. Lakin gömrük qaydalarına əsasən, bu cür məhsullar xüsusi icazə və sənədlər olmadan ölkəyə gətirilə bilməz. Xüsusilə nadir və qorunan heyvan növlərinə aid məhsullar ciddi nəzarət altındadır.
Federal Gömrük Xidmətinin açıqlamasında qeyd olunur ki, timsah dəriləri beynəlxalq qaydalara əsasən xüsusi nəzarət edilən məhsullar siyahısına daxildir. Bu səbəbdən sərnişin barəsində inzibati məsuliyyət tədbirləri görüləcək. Hazırda hadisə ilə bağlı araşdırma aparılır.
