Co Bayden Kapitoli binasını zəbt edənləri terrorçu adlandırıb

ABŞ-ın yeni seçilmiş prezidenti Cozef Bayden hazırkı ölkə lideri Donald Trampın Vaşinqtonda iğtişaşlara səbəb olduğu qənaətindədir.

TASS xəbər verir ki, belə bir açıqlamanı o, ötən gün paytaxtda baş verən iğtişaşlara qiymət verərkən deyib.

“Onları etiraz aksiyasının iştirakçıları adlandırmağa cürət etməyin. Bu, iğtişaş, etiraz aksiyası deyildi, bu, xaos idi. Bu, üsyançı kütləsi, qiyamçılar, daxili terrorçulardan ibarət bir izdiham idi. Bu, prezident Trampın demokratiyaya amansız hücumunun nəticəsi idi”, – deyə Bayden vurğulayıb.

Onun sözlərinə görə, Donald Tramp “izdihamı Konqresə hücuma təhrik edib”: “O, amerikalı seçicilərin səsini yummaq üçün kütlədən istifadə etməyə çalışıb”.

Demokrat bildirib ki, “prezident qanundan ali ola bilməz”.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Əvvəlki məqalə

“Atəşkəslə bağlı prosesləri Azərbaycanla birgə dəyərləndirəcəyik” –

Sonrakı məqalə

Dolların bu günə olan rəsmi məzənnəsi