ABŞ-ın 41-ci prezidenti Corc Buşun bacısı Nensi Buş Ellis Konkord şəhərində yaşadığı qocalar evində koronavirus səbəbindən 94 yaşında vəfat edib.
Bu barədə “New York Times” qəzetinə onun oğlu III Aleksandr Ellis bildirib.
Nensi dekabrın 30-da yüksək hərarətlə xəstəxanaya yerləşdirilib. Müayinə zamanı koronavirus testinin cavabı müsbət olmuşdu. Müalicəsi uğurla həyata keçirilsə də sonradan ümumi sağlamlığı pisləşib.
Qeyd edək ki, 1926-cı il fevralın 4-də doğulan Nensi Buş ailədə 4 qardaşın bir bacısı idi.
