Cənubi Koreya Rusiya və Belarusa qarşı ticarət sanksiyalarına əməl olunmasına nəzarəti gücləndirəcək.
Azpost.info xəbər verir ki, bu barədə ölkənin Ticarət, Sənaye və Energetika Nazirliyi məlumat yayıb.
Fevralın 24-dən qüvvəyə minmiş dəyişikliklərə əsasən, icazəsi alınmalı olan malların qeyri-qanuni ixracı ilə mübarizə aparılacaq.
Nazirlikdən qeyd olunub ki, qanunsuzluqların, həmçinin dolama marşrutlar üzrə çatdırılmaların sayının artacağı gözlənildiyi üçün ixrac nəzarəti daha diqqətlə aparılacaq.
Fevralın 24-də 682 növ mala, o cümlədən mühərrikinin həcmi iki litrdən çox olan avtomobillərə aid məhdudiyyətlər qüvvəyə minib. Eyni zamanda, fevralın 23-də ABŞ Rusiyaya ABŞ dəzgahlarının tədarükü ilə məşğul olduğu iddia edilən Cənubi Koreya şirkətlərinə qarşı sanksiyalar tətbiq etdiyini açıqlayıb.
Azpost.info
