Rusiyanın Rostov vilayətində An-2 tipli təyyarə qəzaya uğrayıb.
AzPost-un məlumatına görə, hadisə bu gün səhər saat doqquzun iyirmələrində Volqodonsk yaxınlığında yerləşən “Rodnik” aqrobazasının ərazisində baş verib.
Məlumata əsasən, təyyarə kənd təsərrüfatı işləri yerinə yetirərkən qəzaya düşüb. Hadisə nəticəsində hava gəmisinin pilotu həyatını itirib.
Əraziyə fövqəladə xidmət əməkdaşları cəlb olunub. Qəzanın başvermə səbəbləri və digər təfərrüatlar araşdırılır.
