“Dağlıq Qarabağın statusu əlavə danışıqların aparılmasını tələb edir” –

Rusiya Federasiya Şurasının sədri
24 Dekabr 2020 - 14:18

“Rusiya Dağlıq Qarabağın statusunun müəyyən olunması üçün beynəlxalq səylərə inanır”.

Azpost.info bildirir ki, bu barədə Rusiya Federasiya Şurasının sədri Valentina Matvienko bu gün jurnalistlərə bildirib.

“Dağlıq Qarabağın statusu əlavə danışıqların aparılmasını tələb edir. Biz əlbəttə, Dağlıq Qarabağda prosesin tənzimlənməsi üçün cəlb edilmiş ATƏT-in, Fransa və ABŞ prezidentlərinin və digər ölkələrin səylərinə inanırıq. Hələ qarşıda çox ağır iş durur. Amma əsas odur ki, Azərbaycana məxsus olan ərazilərin qaytarılmasını tələb edən beynəlxalq sənədlərin icrası təmin edib. Burada Rusiya əsas rol oynayıb”.

Matvienko deyib ki, Rusiya münaqişənin dərinləşməsinə imkan verməyib: “Bu o qədər də sadə razılaşma deyildi. Buna nail olmaq asan olmadı. Bu gün məhz rus sülhməramlıları o zonada sazişi qoruyur, şərtlərinin pozulmasına imkan vermir”.