“Saxlanıldığı həbsxanadan xəstəxanaya köçürülən Gürcüstanın keçmiş prezidenti Mixail Saakaşvilinin səhhəti son dərəcə ağırdır. Həkimlərin sözlərinə görə, siyasətçinin daxili orqanlarının bir neçəsi fəaliyyətini dayandıra bilər”.
Azpost.info xəbər verir ki, bu barədə Saakaşviliyə bir neçə sual verib yazılı cavablar almağa nail olan “Sku News” telekanalı məlumat yayıb.
Saakaşvili kanala bədən çəkisinin 120 kq-dan 64-ə düşdüyünü deib: “Çəkim 60 kq-dan aşağı düşərsə, həkimlər bir neçə daxili orqanın fəaliyyətinin pozulmasını proqnozlaşdırırlar”.
Saakaşvilinin sözlərinə görə, o, bütün vaxtını yataqda keçirir. “Sümüklərim sanki qırılır və bu, dözülməz dərəcədə ağrılıdır”.
Vəkili Şalva Xaçapuridze britaniyalı jurnalistlərə açıqlamasında müdafiə etdiyi şəxsin vəziyyətinin hər gün pisləşdiyini təsdiqləyib: “Bu, dəhşətli mənzərədir. O, faşist Almaniyasındakı konslager məhbusuna bənzəyir”.
Azpost.info
