Latviya Seyminin deputatı Aleksey Roslikov parlamentin bu gün keçirilən iclasda iştirakdan kənarlaşdırılıb. Deputatların əksəriyyəti buna səs verib.
Azpost bildirir ki, bu barədə Delfi yazır.
Roslikov “Ruslaşdırmanın nəticələrinin aradan qaldırılması haqqında” bəyannamə haqqında danışarkən rus dilindən istifadə edib. Bu, parlamentin reqlamentinin pozulmasıdır.
Latış dilində çıxışına başlayan deputat, “Sabitlik” partiyasının lideri bəyan edib ki, Latviya sakinlərinin əhəmiyyətli bir hissəsi hər gün evdə rus dilində danışan ruslardır, eyni zamanda dövlətin inkişafında iştirak edirlər, ona görə də onlarsız ölkə inkişaf edə bilməz. Çıxışının sonunda Roslikov rusca qışqırıb: “Biz daha çoxuq!” “Rus dili bizim dilimizdir!”
Deputat daha sonra kobud və nalayiq jest də edib.
Bu pozuntuya görə onun Seymin bugünkü iclasından kənarlaşdırılması və zaldan çıxarılması barədə qərar qəbul edilib.
“Ruslaşdırmanın nəticələrinin aradan qaldırılması haqqında” bəyannamədə Latviyanın ictimai həyatında rus dilinin istifadəsini məhdudlaşdırmaq, eyni zamanda təhsildə, mediada və ictimai ünsiyyətdə latviyanın mövqeyini gücləndirmək üçün aydın fəaliyyət planının hazırlanması təklif edilir.
Deputatları parlament binasında vətəndaşlarla ünsiyyətdə və rusdilli KİV-lərə müsahibə verərkən müstəsna olaraq latış dilindən istifadə etməyə məcbur edən reqlament 29 may 2025-ci ildə qəbul edilib.
