Küveytdə parlament seçkilərindən ay yarım sonra əmir Mişal əl-Əhməd əl-Cabir əs-Sabah parlamenti buraxıb və konstitusiyanın bir sıra maddələrini dörd il müddətinə dayandırıb.
Azpost.info xəbər verir ki, bu müddət ərzində ölkədə demokratik prosesin bütün aspektləri nəzərdən keçiriləcək.
Əmir demokratiyadan dövləti dağıtmaq üçün istifadə olunmasına imkan verməyəcəyini vurğulayıb.
Dörd illik keçid dövrü üçün Küveytdə qanunvericilik səlahiyyətləri əmir və nazirlər kabinetinə veriləcək. Əl-Cabir əs-Sabah bir sıra deputatları vəliəhdin seçilməsində əmirin səlahiyyətinə müdaxilə etməkdə və hökumətin qurulması üçün şərait yaratmaqda ittiham edib. O, konkret adlar çəkməyib.
Vəliəhd şahzadə hazırkı əmir tərəfindən təyin edilir. Qanuna görə, taxt-tac əmirin ölümündən sonra avtomatik olaraq vəliəhdə keçir, lakin varis parlament tərəfindən təsdiqlənməlidir.
Azpost.info
