Dövlət Turizm Agentliyi Cənubi Koreya və İsraildən gələn jurnalistlər, bloqerlər və turizm şirkətləri nümayəndələri üçün tanışlıq səfərlərinin təşkili məqsədilə 135 039 AZN məbləğində xidmətlərə vəsait ayıracaq.
AzPost-un E-tender.az-a istinadla verdiyi məlumata görə, bu barədə müqavilə Agentliklə “Vata” MMC arasında imzalanıb. Müqavilənin əsas məqsədi xarici media nümayəndələrinin və bloqerlərin Azərbaycanda turizmi tanıması, ölkənin mədəniyyət və turizm imkanlarını daha yaxından görməsi üçün səfərlərin təşkilidir.
Səfər proqramına Cənubi Koreya və İsraildən ümumilikdə 30 nəfər jurnalist, bloqer və turizm şirkəti təmsilçisi daxildir.
Müqavilənin dəyəri 135 039 AZN təşkil edir və bu vəsait səfərlərin təşkili, qonaqların yerləşdirilməsi, nəqliyyat, bələdçilik və digər əlaqəli xidmətlərin təmin olunmasına sərf olunacaq.
