dövlət
Dövlət şirkətindən 43 milyardı ələ keçirən məmurlar həbs edilib
Moskvada dövlət “Rusiya Nanotexnologiyalar Korporasiyasının (“Rosnano) üç top-meneceri saxlanılıb.
AzPost bildirir ki, onlar milyardlarla rubl dəyərində maliyyə hesabatlarını saxtalaşdırmaqda ittiham olunurlar.
İstintaqın məlumatına görə, “UK ROSNANO” MMC-nin rəhbərinin müavini – icraçı direktor Boris Podolski, maliyyə üzrə icraçı direktor Artur Qalstyan, habelə mühasibat uçotu metodologiyası, vergitutma və hesabatlılıq üzrə direktor Marina Kasenkova maliyyə sənədlərinin saxtalaşdırılması ilə məşğul olublar.
İstintaqın məlumatına görə, 2017-ci ildə şirkətin təsərrüfat fəaliyyətinin qeyri-qənaətbəxş nəticələrini gizlətmək məqsədilə təqsirkar şəxslər maliyyə öhdəliklərinin yenidən təsnifləşdirilməsi istiqamətində qanunsuz hərəkətlər edib. Təhrif edilmiş hesabat məlumatlarından istifadə edərək, şirkətin yeganə səhmdarı Rusiya Federasiyasına ROSNANO ASC-nin qənaətbəxş maliyyə vəziyyəti haqqında yalan məlumat veriblər. Bu, əvvəllər verilmiş dövlət zəmanətlərinin ləğvinin qarşısını almağa, həmçinin əlavə maliyyə vəsaiti cəlb etməyə imkan verib.
Nəticədə 2022-2024-cü illərdə dövlət korporasiyaya 43 milyard rubldan çox vəsait ayırmalı olub.
Daxili İşlər Nazirliyi Rusiya Cinayət Məcəlləsinin 285-ci maddəsi (“Vəzifə səlahiyyətlərindən sui-istifadə”) ilə cinayət işi açıb. Həbsdə olan Qalstyan, Podolski və Kasenkovadan başqa ROSNANO-nun bir neçə əməkdaşı bu işdə ittham olunur. Yaxın vaxtlarda onlar üçün qəti-imkan tədbir seçiləcək.
