Dron hücumları Rusiyada benzinin qiymətini artırıb

AI-95 markalı benzinin 1 tonunun qiyməti Sankt Peterburq beynəlxalq əmtəə-xammal birjasında son altı ayda ilk dəfə olaraq 60 min rubla (654 dolalr) çatıb.

Bu, 2023-cü ilin sentyabrından bəri maksimum qiymətdir. O vaxt Rusiyadan yanacaq ixracına qadağan qoyulduqdan sonra benzinin qiyməti düşməyə başlamışdı. Rusiya hakimiyyəti martın 1-dən benzinin ixracına yenidən qadağan qoyub. Belə bir qadağan 2023-cü ilin sentyabrından noyabrına qədər də qüvvədə olmuşdu.

RBK agentliyi bildirir ki, bu tədbirlərə baxmayaraq benzinin birja qiymətləri qalxmaqda davam edir. Ekspertlər Rusiyada benzin qiymətlərinin qalxmasını Ukrayna dronlarının neftayırma zavodlarına hücumu ilə bağlayırlar.

Martın 13-də Ryazan neftayırma zavoduna dron hücumu nəticəsində yanğın törənmişdi. Rusiyanın cənubunu benzinlə təchiz edən Novoşaxtinsk neftayırma zavodu dron hücumundan sonra fəaliyyətini dayandırıb. Bundan bir gün əvvəl isə Nijeqorod neftayırma zavodunda dron hücumu nəticəsində yanğın baş vermişdi. Hazırda zavodda plandan əlavə təmir işləri aparılır.

Bu yaxınlarda Rusiyanın Energetika Nazirliyi bildirmişdi ki, regionun yanacaqla təchizatı və benzinin qiyməti sabitdir: “Rusiya hökumətinin avtomobil yanacağının ixracına qadağan qoyması və benzini ikinci əldən alanlara əlavə rüsumların tətbiqi kimi önləyici tədbirlər daxili bazarda dayanıqlı gəliri təmin edib”.

RBK yanacağın birja qiymətlərinin artmasını tələb və təklif arasında balansın pozulacağından olan narahatlıqla izah edir. Agentliyin mənbəyi bildirir ki, bazardakı vəziyyət “potensial baxımdan ciddidir”, buna görə də alıcılar yanacağı əvvəlcədən almağa üstünlük verirlər.

RBK-nın mənbələri bildirirlər ki, əgər dron zərbələri nəticəsində neftayırma zavodlarında ilkin emal qurğuları sıradan çıxıbsa, onda nəinki benzinin , hətta dizel yanacağının da istehsalı azalacaq.

 

Azpost.info

Əvvəlki məqalə

Naxçıvanda həbs edilmiş nazir və yüksək vəzifəli məmurlar azadlığa buraxılıb

Sonrakı məqalə

Ukrayna Rusiya gəmilərinə NATO raketləri ilə zərbə endirib –