Dünya üzrə koronavirusdan ölənlərin sayı 100 mini keçib

Dünyada yeni növ koronavirus infeksiyası səbəbindən ölənlərin sayı 100 min nəfəri keçib.

“TASS” xəbər verir ki, bunu federal və ştat orqanlarının məlumatları əsasında araşdırma aparan ABŞ-ın Cons Hopkins Universitetinin hesabatında göstərilib.

Məlumata görə, ən çox ölüm faktı İtaliyada qeydə alınıb – 18 849 nəfər. Onun ardınca ABŞ (18 009), İspaniya (15 970), Fransa (13 197) və Böyük Britaniya (8 958) gəlir.

Ümumilikdə hazırda dünyada 101 551 nəfər COVID-19 infeksiyasına yoluxma nəticəsində həyatını itirib.

Cons Hopkins Universitetinin məlumatına görə, hazırda 1,67 milyondan çox insan bu xəstəliyə yoluxub. Ən çox yoluxma halları ABŞ, İspaniya, İtaliya, Almaniya və Fransada qeydə alınıb. Son məlumatlara görə, ABŞ-da 488 mindən çox, İspaniyada 157 mindən çox, İtaliyada 147 mindən çox insan bu ölümcül virusun daşıyıcısıdır.

Universitetin bildirdiyinə görə, bu günədək 372 mindən çox insan sağalıb.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Əvvəlki məqalə

Bozbaşı sevən, cırıq cinsini və kasıblığı unutmayan Bakılı milyarder –

Sonrakı məqalə

Daha 10 min işsizə birdəfəlik vəsait ödənilib –