Dünyada koronavirusa yoluxanların sayı 46 milyonu ötüb

01 Noyabr 2020 - 12:22

Dünyada koronavirusa yoluxma ilə bağlı təsdiq edilmiş halların sayı 46 milyonu ötüb.

Bu barədə ABŞ-ın federal və yerli hakimiyyət orqanlarının məlumatları, həmçinin KİV və başqa açıq mənbələrlə hesablamalar aparan Cons Hopkins universiteti bildirib.

Universitetin son məlumatlarına görə, dünyada COVID-19-a yoluxma hallarının sayı 46 015 562-ə çatıb. COVID-19-dan 1 194 906 pasiyent ölüb. Bununla yanaşı, pandemiya ərzində dünyada koronavirusdan 30,7 milyondan çox insan sağalıb.