Dünyanın ən böyük domen provayderi “GoDaddy” (ABŞ) Rusiyadan olan müştərilərlə əməkdaşlığı dayandıracağını açıqlayıb.
Azpost.info xəbər verir ki, şirkətin 2024-cü ildən rus müştərilərə xismət göstərməyəcəyi bildirilir.
“Bizim məlumatlara görə, siz və ya hesabınızda qeyd olunan əlaqə Rusiyada ola bilər. Əgər məlumatımız doğrudursa, hesablarınıza və ya əlaqəli xidmətlərə giriş 31 dekabr 2023-cü il tarixində bağlanacaq”, – rusiyalı istifadəçilər tərəfindən alınan xəbərdarlıq məktubunda deyilir.
Məktubda həmçinin qeyd olunur ki, Rusiyadan olan müştərilər dekabrın 31-dək öz saytlarını başqa registratora köçürməlidirlər: “Bizim saxladığımız bütün məlumatlara və məzmuna girişiniz 31 dekabr 2023-cü ildə başa çatacaq və biz sizə ehtiyat nüsxələri təqdim edə bilməyəcəyik”.
“GoDaddy” bu yaxınlarda rus müştəriləri ilə əməkdaşlığı dayandıran üçüncü belə şirkət oldu. Bundan əvvəl “FastComet” oktyabrın 1-dən etibarən ruslara xidmət göstərməyəcəyini açıqlamışdı.
Azpost.info
